美國大選結果逐漸明朗化，市場預期若然拜登成功繼任的話，估計將會重返傳統管理方式，著眼於綠色未來同加大基建支出。對投資者嚟講，有咩要留意？

市場相信，拜登希望重新加入《巴黎協定》及世衞（WHO）等，同其他國家結盟；另一方面，美中關係可能會繼續充滿挑戰，與國家安全問題有關嘅潛在威脅不斷增加，預計美國仍然會同中國保持一定距離。不過比起特朗普嘅施政作風，拜登嘅外交政策預期會較為穩定。如果未來政策方向較明朗，相信可以減低市場嘅憂慮。

拜登上台，好大機會都係優先考慮振興經濟同埋減低失業率。主張加稅嘅佢，預料會將稅項用喺製造業、基建相關行業、綠色能源，同科技業上，相關行業可能會蓬勃發展，當然會對相關股票有利；相反，而金融同傳統石油燃料行業可能會面臨壓力。另外，公共健康危機以及潛在嘅經濟影響，仍是大選後重點，預期受疫情衝擊嘅行業將獲得財政支持；疫苗消息越見正面，將成為推動經濟復甦嘅另一個催化劑。加上12月中旬白宮同埋國會局勢預期將漸趨明朗化，可能推動新一輪資金流入商品，尤其聯儲局議息會議可能會表示維持其零利率政策，令核心通脹率明年走高。

睇返歷史數據，在位總統競選連任失敗嘅前幾個月，股市一般表現反覆；但當大選結束後，無論邊個當選，股市表現一般都會向好。參考返1943年至2019年嘅數據，過往民主黨獲勝嘅年份中，標普500指數同道指平均升幅分別有11.4%同9.7%；比起共和黨獲勝嘅年份，平均升幅只係得6.9%同7.4%，似乎表現更好。當然呢啲只係歷史數據，無論如何，以往美股喺大選之後上升嘅機會率較高，而家係時候考慮吓點樣把握機會積極部署。

除咗美國大選結果，其他因素都仍然會影響住市場走勢。想掌握更多市場資訊及分析，如果有個專業可靠嘅拍檔一齊幫手計劃，自然會事半功倍。作為Citigold客戶，有400位財策分析師為您剖析全球超過70個地區投資市況，幫您捕捉環球機遇。無論身在何處，您都可以透過Citi Live Chat與客戶經理及財策顧問進行視像對話，以螢幕分享為您提供市場資訊，分析資產組合表現，隨時隨地為財富增值，為摯愛穩中求富。