對好多人嚟講，一聽到「財富管理」就覺得好空泛，或者只係鼓吹其他人去投資嘅代名詞。但其實佢絕對有深層意義，因為「理財」本身就需要長遠同可持續嘅計劃，應該有目標同有策略咁一步步去實踐，所以真正嘅財富管理，係要配合生涯規劃。

所謂「生涯規劃」，即係我哋透過計劃同實現人生不同階段嘅目標，搵到啱自己發展嘅位置，建立價值。例如工作方面，啱啱畢業到30歲之前會係成長期，學習各項基本技能，為自己打好基礎；而30歲開始就係事業發展嘅黃金時期，以早年累積嘅工作能力同經驗，穩步發展；40歲打後，有咗家庭同小朋友，唔少人都會調整工作模式，以持續升遷或者發展新事業，開始為家人同自己嘅退休生活作進一步部署。

如果將「財富管理」同「生涯規劃」擺埋一齊，又會變成點？其實喺每個人生階段，大家都會為咗不同嘅目標而努力，而每當您進入另一個階段，您都需要相應嘅財富管理方案去配合，以成就當時嘅目標。

對於後生仔嚟講，可能未必會諗到咁遠，同啲friend講起儲錢下年去旅行，已經會聽到：「嘩！您好有計劃喎，諗到下年嗱？」其實幾多歲之前要去過幾多個國家遊歷，都係生涯規劃嘅一種。人生大計分短、中、長期，短期包括出國旅行；中期可能係進修、結婚、買樓；長期就會諗退休同子女升學。雖然有時計劃會趕唔上變化，未必事事都可以諗到咁周到，但係當訂立咗明確目標，您嘅財富管理同理財增值方案就可以向啱嘅方向行，幫您逐步完成人生目標。

好多人嘅理財目標好簡單，就係「財務自由」。不過呢個概念聽落比較空泛，因為每個人要幾多錢先叫「財務自由」係冇定案嘅。想貼地啲，可以先幫自己訂立一個清晰具體嘅目標，例如您想去日本旅行，二人同遊平均預算大約HK$20,000，如果每月可以儲HK$3,000至HK$4,000，半年左右就可以達成目標。呢個絕對稱得上為財富管理BB班，一個好開始！又或者當您打算將來送小朋友去外地升學，做完research計埋數，心知單靠份糧儲錢好難實現，好自然就會諗買股票、基金等等，利用不同嘅投資工具去增值財富。

從以上例子睇到，無論工作定財富管理都係由生涯規劃出發。當訂立咗清晰嘅目標後，您就會得到一個大概嘅年期同金額作為理財目標，再利用各種投資工具，一步步實踐您嘅人生大計。當然如果搵到合適嘅理財夥伴，成件事就會輕鬆好多。

好似Citigold嘅專業理財顧問，就會因應不同階段嘅人生目標，為您籌劃更全面嘅投資、置業同保障方案，無論係出外旅行、工作，或安排子女到海外升學，Citigold 都會切合您嘅需要，為您度身訂做合適嘅環球理財計劃；配合埋Citi Live Chat，畀您即時連繫客戶經理，透過視像對話，分析資產組合表現，隨時隨地為財富增值。佢哋仲有400位財策分析師，剖析全球超過70個地區嘅投資市況，幫您發掘更多投資機遇。為自己同屋企人，現在與未來嘅理想生活，今日就選擇Citigold，為摯愛穩中求富。