相信大家都知道投資對財富增值嘅重要性，近年喺香港亦開始多人加入投資美股行列，皆因美股選擇比港股多，成交量大，入場費亦相對較低。但究竟點先搵到最適合自己嘅投資組合，發掘更多機遇？或者可以從日常生活中得到啟示！ 

唔講您未必知，股神巴菲特係Coca Cola嘅超級Fans，每日都要飲5罐可樂，而佢對Coca Cola嘅股票亦都情有獨鍾，持貨三十年至今仍然一股不賣！另外Coca Cola係出名「股息王」，股息多年持續有增長，單係今年就為股神進貢超過6億美元，唔怪之得每日都飲得杯落喇！

可能您會問，邊有咁易喺日常生活搵到投資靈感？再畀個例子大家：只要將美股標普500指數進行一次「10 Year Challenge」，就會發現十年過去，美股市場經已大洗牌，市值最高成分股由科技股逐漸取代。其中蘋果公司成為歷史上第一隻市值突破二萬億美元嘅美國股票，市值仲要高過英國富時100指數，即係英國股市旗艦指數內100間公司加埋嘅市值，都無「一個蘋果」咁多。要留意嘅係，今年一月嘅時候，蘋果公司都只係值富時100指數嘅一半，大家可以想像到科技股呢幾個月嘅升勢幾咁誇張。

最值得留意係排頭5位嘅科技股企業，都同日常生活息息相關，包括有果迷至愛嘅Apple、Google大神嘅母公司Alphabet、全球最大社交媒體Facebook、網購達人至愛嘅Amazon、仲有近年喺雲端同視像會議市場表現出色嘅Microsoft。雖然5間企業嘅業務非常貼地，但其市值一樣可以持續攀升，為投資者帶嚟可觀回報！對比之下，昔日嘅企業巨頭埃克森美孚、通用電氣、美國電話電報、國際商業機器就顯得黯然失色！

而家愈嚟愈多人開始食素、「work from home」成為趨勢、放假寧願留喺屋企煲劇打機、揸車人士想環保又慳油…當您留意到呢啲生活習慣小改變，再快人一步「buy and hold」相關概念股票，或者下個十年就會帶領您成功致富。所以話，只要細心觀察，生活處處都搵到投資靈感！

無論係投資定財富增值，如果有個專業可靠嘅拍檔一齊幫手計劃，自然會事半功倍。好似Citigold就有400位財策分析師，為您剖析全球超過70個地區投資市況，幫您捕捉環球機遇。無論身在何處，您都可以透過Citi Live Chat與客戶經理及財策顧問進行視像對話，以螢幕分享為您提供市場資訊，分析資產組合表現，隨時隨地為財富增值，為摯愛穩中求富。