「今日Happy Friday比你揀Dinner食咩喇：想平平地去旺角食，定去中環試新嘅私房菜？」

「（認真諗咗10分鐘）呀…我揀唔到啊！兩樣都想試…」

以上嘅對話係咪似曾相識呢？唔少朋友都有選擇困難症，生活上無論大事定小事，大至揀邊個job offer，小至今晚食咩，一要佢哋做選擇就開始糾結，面對越多選擇就越焦慮，結果拖左好耐都未做到決定。要改善選擇困難，首先就要明白現實好多時候係無得「why not both」嘅，呢個時候就要學習訓練自己思考同運用理性分析嘅能力，例如面對選擇時，可以列低各自嘅好處同壞處，再權衡邊個option更能幫您達成目標。

畢業後出席朋友飯局，總有一兩個「投資達人」分享自己最近嘅戰績，有時聽完自己都會心郁郁，想踏出第一步學吓投資；不過如果連食邊間餐廳已經咁難揀，面對市場上各式各樣嘅投資產品，真係頭都痛埋。其實面對投資選擇困難症，以下幾招可以同大家分享吓：

生活上好多時候做唔到決定，係因為未清楚了解自己嘅狀態、目標，同埋自己適合啲咩。講返揀邊間餐廳嘅例子，如果您本身有儲錢嘅目標、而每個月嘅社交娛樂支出係$2,000以下，但去到月中發現已經用左$1,600，當面對旺角同中環嘅抉擇，又會唔會易揀好多呢？投資都係一樣，開始投資前先完成投資風險評估，了解您嘅財務狀況同風險承擔能力，搵出自己屬於謹慎型、保守型定進取型投資者，再訂立自己嘅投資目標同鎖定相關範圍嘅產品，運用排除法一步一步刪除唔合適嘅選擇，做最後嘅抉擇就容易好多啦！

「想做最好嘅選擇，諗過度過又驚自己揀錯」—呢樣往往係選擇困難症最令人糾結嘅地方。其實怕輸嘅心理人人都有，但重要嘅係唔好將呢種心理過份放大；相反，只要事前做多啲準備，就可以對自己嘅決定提高信心。就好似每項投資都會有一定程度嘅風險，與其怕因為有機會蝕錢而逃避，不如學習係增進基本財務知識，例如了解股票同基金嘅分別、搞清楚各類投資組合嘅產品風險比例、過去回報等等。萬一投資組合表現不似預期，就要諗吓點樣「止蝕」，同時細心留意同分析市場資訊，調整策略重新出發。

做完風險評估，有埋基本概念，都仲係唔知點揀好？呢個時候就梗係揾專家幫手啦！好似Citibank全新基金買賣平台，就有專家根據您嘅理財經驗同目標，為您推薦適合嘅基金組合，入場費仲低至HK$100起跳㖭！喺Citi Mobile® App撳幾下就搞掂，簡單易用，無論係過往表現定預期回報都可以一眼睇哂，啱晒第一次投資想小試牛刀嘅您！