聖誕節好快就到啦！每年買聖誕禮物都需要花心思同時間去準備，係時候諗吓今年送咩好！如果您暫時未有idea嘅話，不妨睇睇以下建議：

同屋企人日見夜見，過節送禮多數都係以實用性為主。例如知道父母返工辛苦，孝順仔女可以考慮夾份買按摩椅慰勞吓爸爸媽媽，畀佢哋感受到您嘅關心同體貼；又或者可以考慮吓實用嘅廚具同家電用品，等佢哋平日做一家之煮或者打理家務嗰陣，可以更加得心應手。

至於朋友方面，可以按照同對方嘅熟悉情況嚟選擇。比較close嘅知己好友，揀禮物嘅時候可以考慮增加趣味性，例如以「天堂與地獄」方式交換禮物 — 即係同時準備一份用心嘅好禮物以及一份「惡搞」嘅禮物。但如果係送畀公司同事嘅，就應該揀啲較為「穩陣」嘅禮物，好似包裝精美嘅節日套裝、Gift Card或者購物禮券等都係常見嘅選擇。

送聖誕禮物畀情人，浪漫元素當然唔少得，無論燭光晚餐或者親自下廚，再配有心思嘅DIY禮物應該都幾窩心。就算唔識DIY，都可以報名上堂，由專業老師教您親手整獨一無二嘅禮物畀另一半。如果打算買禮物，就係考驗緊大家對另一半嘅了解程度，記住投其所好，實無出錯！好似女朋友平日鍾意扮靚護膚嘅，可以留意吓佢買開嘅產品牌子同系列；如果有男朋友打開機嘅話，今年大家都應該估到買咩好啦！

聖誕禮物係一份心意，除咗畀我哋喺特別嘅日子向身邊嘅人表達關心，當然唔少得買返份心頭好嚟獎勵自己！不過消費多咗，如果筆卡數都跟住大咗點算好？只要登入Citi Mobile® App，您就可以隨時隨地直接憑分消費，細銀碼用 Pay with Points，大銀碼用 FlexiPay分期，夠哂Flexible！除此之外，今個聖誕GetMore將會為您送上更多快閃優惠同大抽獎，加埋為您度身訂造嘅個人化優惠，驚喜源源不絕！