今時今日，網上串流音樂同影視平台已經成為我地生活嘅一部份，無論係搭車定留屋企hea，想聽歌、睇戲、煲劇，通通都有大把選擇，唔駛再怕悶親！想chill得嚟又洗得精明，一齊睇睇以下分享！

作為其中一個最熱門嘅影視串流平台， Netflix 集合多地電影和劇集，包括近日相當受歡迎嘅韓劇《青春紀錄》、睇盡靚人靚衫靚景嘅《Emily In Paris》、劇情張力十足嘅《The Queen's Gambit》等。除咗一貫受歡迎嘅歐美原創劇集外，Netflix同時亦有大量韓劇、日劇、泰劇、經典電影、綜藝節目等陸續上架，節目種類包羅萬有。如果搵到幾個朋友一齊join高級計劃，除返開每人月費隨時平過買杯珍珠奶茶！醒多一個貼士畀大家：Netflix其實係有一系列嘅搜尋密碼幫您去搵特定片種，例如9302係喜劇動畫、8195係B級恐怖片、9916係獨立愛情電影等。

無論係搭車定跑步，點可以無歌聽呢？講到開創音樂串流嘅先河，一定要數2009年開始進軍香港嘅KKBOX！當中本地同華語歌曲、J-pop、K-pop可以話係非常齊全，熱門歐美歌曲都應有盡有。除咗有多個熱門排行榜推介近期至HIT新歌，KKBOX仲有「一起聽」功能畀您同其他用戶一齊分享專屬Song List，仲有機會同歌手名人互動，額外加咗唔少分！另外KKBOX 亦有推出家庭共享計劃，只需一個月費即可3人共享「白金會員」服務！如果您有Citi信用卡，仲可以享有特選優惠㖭！

來自瑞典嘅Spotify喺2013年先正式進軍香港，打正旗號以「免費」聽歌吸客，加上介面有型，中間雖然會有聲音廣告夾雜，但仍然吸引到唔少年輕朋友同學生一族使用。想體驗無廣告嘅Premium版本，就要比返月費，可以同屋企人一齊share返家庭共享 Premium計劃的話，價錢就會相對較抵。而Spotify作為外國音樂串流App，外語歌曲相對比較齊全，主頁嘅大部分推介都係外國歌手，啱晒一眾鍾意外語歌曲嘅樂迷。Spotify嘅另一賣點，就係Daily Mix function，可以依照您平日聽開嘅歌，制定一份適合你嘅個人Playlist，夠哂貼心！

目前市面上大部分串流音樂服務，音質同跟 CD 依然有一段距離。本地音樂平台MOOV早前就推出咗24-bit FLAC 無損串流音樂服務，啱哂一眾對音質要求較高、追求「靚聲」嘅樂迷，由歐美日韓台新歌到經典金曲甚至粵曲都一網打盡，滿足不同年齡或音樂口味。除咗提供超過20,000首24 bit 歌曲，MOOV更有香港最大的 24 bit FLAC 無損串流廣東歌庫，比起其他串流平台更貼近「本土」，Citi信用卡客戶亦有專屬優惠，平均每個月都係一餐Lunch嘅價錢就可以享受到高質串流音樂，合約期內仲可以任聽同任download！

揀啱自己鍾意嘅娛樂節目，就算一個人享受「me time」都可以多姿多彩。除咗以上提到嘅優惠計劃，您仲可以用埋Citi Always Pay with Points 憑分自動抵銷喺指定商戶嘅信用卡簽賬，喺Citi Mobile® App 撳幾吓就搞掂，啱哂用嚟交月費！另外， Citi Mobile® App 入面嘅「Get More 」不時都會推出獨家推廣優惠，捕住隨時有驚喜，記得唔好錯過啦！