各間上市公司最近紛紛公佈中期業績。雖然今年市況唔算特別好，但其實無論牛市熊市，只要識得掌握關鍵資訊並加以分析，都有機會獲得正面回報。投資嚟講，穩中求富遠比短期投機來得重要，企業將來嘅長遠發展往往先係致勝關鍵，近期係點反而未必有太大影響。面對各種各樣嘅市場消息，投資者最緊要係了解自己風險承擔能力，再仔細分析市況，唔好一味跟風！另外都建議著眼於整體環境走勢同行業表現，因為有時單睇某幾隻股票，未必夠全面。

中資網絡遊戲行業兩隻龍頭股，第二季業績都好過市場預期，營業額比起舊年同期增長兩成六至兩成九，按非通用會計準則計，純利都係升約三成。唔少人多咗留喺屋企打機，佢地嘅遊戲收入升幅介乎兩成至四成。除咗打機，網購都係疫情下嘅受惠行業之一，大家之前有無喺內地「618網購節」執平貨呢？受年中促銷活動刺激，中資電商兩隻龍頭股，第二季營業額齊齊升超過三成，三個月做嘅生意講緊係過千億元人民幣，盈利增長介乎兩成八至六成六。留意返呢啲中資科網大型企業，除咗主力做遊戲或者網購，都開始逐步發展其他業務，例如串流影視音樂、社交媒體同金融科技等等，可謂百足咁多爪。

提起中資科網股，大家仲會諗起呢幾個月市場成日講嘅中概股回流香港上市。上半年呢個消息刺激咗港股氣氛，大市日均成交增加20%至1175億元。中概股回歸以及大型科網企業分拆業務來港上市應該陸續有來，我地預期直至後年，港股日均成交金額年複合增長率有機會達到16%，即係去到2022年每日平均成交可能達到1500億元。大家可以自己諗下有咩受惠股。

不過，有人歡喜有人愁，疫情下航空股業績無可避免受到嚴重打擊。有本地航空公司上半年，即係六個月嘅時間已經蝕接近100億元。旅遊業幾乎停頓，一間喺尖沙咀歷史悠久嘅酒店，上季入住率跌至13%，即係平均每100間客房只有13間有客人入住。之前提過公眾健康危機下網購當道，實體零售則雪上加霜，同樣喺尖沙咀嘅一個大型綜合商場，上半年營業額跌咗兩成八。究竟傳統嘅航空旅遊零售行業能唔能夠喺下半年有返啲起色，仍然好視乎公眾健康危機嘅變化，暫時睇應該都會慢慢復甦。

想掌握更多市場資訊及分析，如果有個專業可靠嘅拍檔一齊幫手計劃，自然會事半功倍。好似Citigold就有400位財策分析師，為您剖析全球超過70個地區投資市況，幫您捕捉環球機遇。無論身在何處，您都可以透過Citi Live Chat與客戶經理及財策顧問進行視像對話，以螢幕分享為您提供市場資訊，分析資產組合表現，隨時隨地為財富增值，為摯愛穩中求富。