因為喺好多遊戲嘅世界裡面，樣樣都講錢，無論您係想買裝備、升級角色、起建築物或者送禮，都需要一定數量嘅遊戲幣先可以達成，隨時貴過現實生活！

以最近好Hit嘅動物主題遊戲為例，玩家可以透過買賣大頭菜賺取鈴錢(遊戲幣) ，而大頭菜嘅收購價每日都會變動兩次，玩家需要不斷留意最新價格，先有機會成功賺取利潤。可能您會問，咁同股票有咩分別？冇錯！喺日文裡面，蕪菁 (大頭菜) 嘅日文「かぶ」其實就係股票嘅意思，所以事實上您投資緊嘅的確係「真．股票」！有網民甚至自行研發咗「大頭菜價格計算器」，方便玩家推算未來大頭菜嘅價格走向，從中獲利！

現實生活中，其實投資同理財都唔係想像中咁難。所謂理財，唔單止係關乎點樣儲錢，而係您點樣利用儲到嘅錢開始投資，去賺取同累積更多嘅財富，即係所謂嘅 「Let the money work for you」。 而想儲錢，最重要有足夠嘅恆心同毅力，等自己養成儲蓄習慣，例如開一個儲蓄戶口，每個月出糧之後將固定比例儲起，用嚟做更長遠嘅投資規劃。

如果手頭上可以運用嘅資金有限，不妨考慮選擇入場門檻同風險都比較低嘅投資產品，可以用較少嘅本金開始投資，例如月供基金計劃同月供股票等等，令投資新手有一個更輕鬆嘅起步點！

正所謂工欲善其事，必先利其「器」！ 玩Game都要有部遊戲機先玩到啦，咁買股票、基金應該用咩工具呢? 話說Citi近排推出咗個Mobile® App基金買賣平台，入場費低至$100，用法仲簡單過打機！只要登入Citi Mobile® App，就可以睇到由Citi專家推薦嘅基金組合，仲可以一眼睇晒佢哋嘅過往回報，唔使左計右計！