從投資角度嚟講，2020年絕對係多事之秋。大事一浪接一浪，畀啲股民抖吓氣得唔得？

1. 先有年頭中美貿易達成首階段協議，美國股市創下歷史新高
2. 新冠病毒開始全球爆爆爆，環球股市大跌接近3成
3. 到咗三月低位，又因疫情開始受控同埋傳出疫苗研發取得突破，股市回升
4. 正當投資者以為守得雲開，中美兩國關係又再玩嘢

年頭5個月環球股市下跌幅度接近10%，但都有逆市奇葩 ─ 防守股除咗大大跑贏大市，仲比周期股叻仔好多。畀個成績表各位睇吓先，截至6月1日，防守股之中嘅金融科技、健康護理、消費必需品等，齊齊錄得8-10%升幅。現時，呢類資產佔全世界市值57%，為40年嚟最高。睇吓對面懸崖，工業（包括交通運輸）、能源、材料、非必需消費品同金融業相關公司嘅傳統周期股，就好明顯跑輸晒。以能源為例，截至6月1日回報為 -34%，較大市足足低兩成。

所以話，如果識得揀，個市震翻天一樣可以有錢落袋。隨住各國開始放寬社交限制，經濟活動再次活躍返，您就可以開始諗諗跌得較多、估值較平嘅周期股。睇返環球股市喺2008年金融海嘯嗰陣跌左47%，但係之後一年由谷底反彈32%。心郁郁想投資嘅您，真係要快啲行動，股市嘅反彈速度可能比您想像中仲快㗎！

另外，好多朋友都會問點樣投資美股，好似好複雜咁。其實只要開返個Citibank投資戶口，就可以隨時隨地透過Citi Mobile® App處理美股交易，同時又可享用股票即時報價。無論買賣美股，或查詢實時參考價，都可以一手掌握，係唔錯嘅投資幫手嚟㗎！