今個學年已經過咗大半，相信對好多Freshmen嚟講，幾乎成個Semester都係透過Online上堂，真係好難感受到校園生活，究竟大家嚟緊可以點樣充實地過大學四年旅程呢？就等過來人一齊分享吓心得啦！

Year 1讀嘅科目主要都係以基礎嘅概念為主，而且有啲內容大家可能都會喺中學讀過，但唔代表可以因此而鬆懈架！大學有唔少嘅學系，例如商學院、理學院同工程學院，第一年會先修讀不同嘅入門級課程，到升上Year 2先再決定專修科目；而揀Major除咗要睇個人興趣同能力外，Year 1嘅成績其實相當重要！如果您想搏入某個競爭較激烈嘅Major，更加要紮穩基礎，分配足夠嘅時間應付學業。

大學課程中會有free credits俾同學自由選擇自己感興趣嘅科目，而大家可以善用呢啲學分去學習一種新語言或者修讀副修科目，而副修科目唔一定要同主修科目有關，例如讀商科嘅同學可以揀文科或Social Science嘅Elective，嘗試從多角度探討各種議題。如果您可以結合並發揮到兩個學系所學到嘅知識，唔單止令自己知識level up，更加有助培養多元化思考；另一方面，您仲可以認識不同學系嘅同學，擴闊您嘅社交圈子。

上莊同讀書、住Hall、拍拖同翻part-time一樣屬於「大學五件事」之一，即係成為大學學會的幹事（莊員）。當中亦都有分短莊同長莊，前者係為籌備一個活動而成立嘅莊，後者就係一個學會/學系嘅莊，通常任期為一年。上莊除咗可以認識新朋友之外，亦都可以培養興趣，訓練吓自己籌辦活動嘅能力，同時發揮領導才能。不過上莊難免會分薄咗學習同休息嘅時間，大家記住量力而為。

為咗預備踏入社會，有唔少同學都會到公司實習或者做兼職，去為未來畢業搵更好嘅工作從而裝備自己。而因為大學嘅上堂時間非常彈性，一日淨係可能需要上幾個鐘堂，如果安排得好嘅話甚至會有day-off 去翻工 。不過翻工都會佔用一定嘅時間，所以要預先編排好時間去平衡學業同工作。

除咗大學嘅生活要有周詳嘅計劃之外，喺準備踏入社會成為職場新鮮人之前，另一樣要開始好好計劃嘅就係理財。若然您已經透過補習或者Part-time賺到少許外快，除咗儲起佢或者食玩買之外，有無諗過可以點樣運用？其實理財就好似U-Life嘅時間分配一樣，同樣都係要透過本身嘅知識同手上嘅資源，一步步去實踐您嘅目標。Citi Plus就有一系列簡單易明嘅理財攻略，就算係新手都可以輕鬆上手！加埋Citi利息Booster戶口，透過儲錢、入錢、碌卡買嘢、投資或唱外幣等簡單日常任務，畀您賺高啲儲蓄年利率，幫您達成更多目標！