有時候睇波都會睇到好忟，點解啲調動咁奇怪？點解會擺一個咁嘅陣呢？其實要踢一場好波，唔需要好似少林足球咁個個都係練武奇才，亦都唔需要好似「猛虎射球」咁識得射穿龍門。一隊球隊最重要嘅其實係一個好嘅領隊，投資都係一樣。

一個好嘅足球領隊，首先要了解隊中唔同嘅人有咩優點同埋不足之處，然後根據佢哋嘅特性，以及對手嘅踢法去部署不同嘅比賽陣式。您可以好似以前嘅利物浦咁擺個4-3-3平衡陣式，又或者好似哥迪奧拿咁用主張進攻嘅3-4-3，甚至可以好似摩連奴咁泊大巴整個9-0-1戰術。但係其實無論做咩都好，您嘅目標都只得一個，就係希望贏得呢一場比賽。

好多人會覺得投資好深奧，但其實要建立您嘅個人投資組合，同您打機嗰陣做領隊一樣，第一件事就係要了解咗您嘅「隊員」先。例如要知道市面上有咩類型嘅投資產品可以選擇，認識唔同產品嘅特性，仲有佢哋嘅風險指數同埋預期回報比率等等；再根據個人嘅理財目標同預算，選擇一啲適合您嘅投資產品，去建立您獨一無二嘅個人投資組合。

喺足球嘅世界，領隊會按照唔同嘅情況，排出唔同嘅陣式。同樣地，喺訂立咗您嘅理財目標之後，您都要知道邊種投資嘅策略適合自己。如果您嘅投資傾向係比較保守，就可以採用防守陣式，例如選擇存款、貨幣市場基金等，透過穩健嘅方式去獲取回報。想進取少少，您可以用一個攻守平衡嘅陣容，例如股票基金、指數型基金等都係一啲唔錯嘅選擇。當然如果您已經有一定程度嘅知識同投資經驗，想主力進攻嘅，亦可以投資股票或者其他風險程度較高產品，以換取更高嘅投資回報。

其實理財投資同踢波一樣，冇一套所謂嘅「完美必勝法」，可以做嘅就係按照自己嘅理財目標同個人需要，排出最適合您嘅陣式。而Citi Plus作為您嘅理財好隊友，有一系列簡單易明嘅理財攻略，由淺入深level up您嘅理財知識，就算係新手都可以輕鬆上手！就算呢一刻資金有限，您都可以選擇門檻較低嘅投資產品，好似Citi Plus嘅「靈活財庫」，入場費低至HK$1就可以開始投資；又或者用一杯嘢飲嘅價錢嚟投資您嘅基金組合，少少錢就可以開始投資！快啲搵埋班friend參加「Citi Plus Team Up開戶獎賞」，一齊chill住學，玩住賺！