所謂投資要趁早，躍躍欲試想買基金但聽聞入場費高收費多，令身為新手小資族嘅您卻步？一齊拆解常見嘅基金收費迷思，助您輕鬆踏出投資第一步！

基金有各項不同費用，所以買賣基金前應先了解基本涉及嘅費用，搞清楚各種收費後，再挑選符合自己投資預算嘅基金！

投資者無論係經銀行、證券商、基金交易平台定保險等途徑購買基金，一般都需要支付一筆過嘅首次認購費或申購費作為基金交易服務嘅佣金，呢筆費用會直接從投資嘅金額中扣除，亦可以額外收取。例如您嘅投資本金為HK$10,000，假設首次認購費為1.5%，咁扣除HK$150嘅認購費後，實際投資金額就會係HK$9,850。 

贖回費則係出售基金時所繳付的費用，而就香港而言，大部分嘅基金公司或交易平台都唔會收取相關費用。

至於轉換費，顧名思義就係當投資者想從持有嘅基金中提取投資金額，改為購買其他基金時所需嘅手續費，而Citi 嘅轉換費用一般為1%。相對購買新基金時需付嘅認購費，轉換費費用則較為相宜。

除咗以上嘅一次性費用，當投資者持有基金時亦會衍生持續性費用，其中一種就係管理費。基金經理與管理團隊會定期更新資產配置，而管理費就係支付畀基金公司嘅研究團隊代為管理資產的費用，費用亦會持續從所持有嘅基金總額中扣除。其他例如託管費或行政費等，亦都係以同一方式收取，因此以上嘅費用其實已從基金總額反映。

以往聽過人話，投資基金最少都要幾萬甚至幾十萬先買到，但其實近年唔少基金都已經降低咗入場門檻，散戶投資者唔使昂貴嘅投資金額，就可以得到基金經理團隊嘅專業分析管理服務。而Citi^®優選投資組合嘅入場費就低至HK$100，仲有Citi專業團隊為您分析並推薦投資組合，透過Citi Mobile^® App就可以用低成本輕鬆買賣基金！

除此之外，您可以透過「基金搜尋器」，根據基金名稱、地區、行業、種類、貨幣、基金公司等搵出您嘅心水基金，入場門檻更加係低至HK$1，想點買全程由您話事！至於收費方面亦相當透明，認購基金之首次認購費為1.5%；喺買入心水基金前，您仲可以喺app入面查閱相關文件，了解更多關於基金嘅產品資料及費用，等您隨時隨地掌握所需資訊！

投資基金涉及風險。