食開米線嘅人都知，由湯底、麵、餸，甚至食到幾辣，全部都可以自己話晒事。投資都一樣，可以就住自己喜好，100%自由度自己揀！投資新手最常接觸嘅投資工具不外乎股票同基金。咁其實又應該點揀好？

股票係指投資者直接買入企業為集資而發行嘅證券，您可以成為股東、持有企業嘅局部擁有權，對企業嘅發展會有影響力，例如可以喺股東大會內進行投票。另一方面，股票持有人亦可透過資本增值分享企業嘅成就，有機會從股息及股價升幅中賺錢，同時要承受企業嘅經營風險。

簡單而言，直接投資喺股票，相對會需要較多資金及資料搜集，要畀多啲時間心力研究緊貼市場資訊，對新手來講可能有啲吃力。就好似當您去食米線嗰陣，如果您本身唔係好食得辣，就唔好一開始就揀大辣，到頭來辛苦嘅都係自己。

基金投資嘅性質就有啲唔同，佢集合咗一群人嘅資金，由基金經理集中管理同進行投資，每位投資者只須付出相對少量嘅資金，就可以同時投資多種產品，以月供形式買入的話，入場費同風險都會相對較低。用番食米線呢個例子，投資月供基金就好似由10小辣開始咁一步步嚟，等掌握咗一定嘅知識同技巧後，就可以去發掘更多選擇啦！

• 分散投資：投資基金等同一次過買入多項唔同股票，投資範圍涵蓋唔同資產、區域同行業，避免資產過份集中嘅風險。
• 容易接觸海外資產：基金投資嘅範圍好廣泛，包括世界各地股票、債券、房地產等，投資者以一個渠道就投資得到，簡易方便。
• 專業人士管理：如果您資金充裕又冇時間研究投資，投資基金就等於畀錢聘請專業人士貼身幫您管理資金，慳返時間心力。

睇完以上分析，如果想投資基金，作為新手當然要揀返既全面又容易上手嘅買賣平台啦！好似Citi Mobile App基金買賣平台就係其中一個唔錯嘅選擇，入場費低至$100， 系統仲會自動推薦適合您嘅基金組合畀您參考，預期回報一眼睇晒，加埋可以月供呢個選擇，手機click幾吓就搞掂，想投資其實話咁易！所以話，投資同食米線，幾辣您有得揀。