正所謂高手在民間，有唔少散戶投資者都會上討論區「圍爐」交流意見，今日就同大家解構幾個熱門「理財潮語」！

股票市場，散戶會被形容為韭菜，當一隻股票價格俾大戶舞高，吸引散戶爭崩頭高追入市，大戶隨即喺高位套利離場，令持貨散戶好似韭菜長高後慘被收割！

有人相信，只要持有優質股票，即使面對短期震盪都唔需要擔心，因為股價最終都會凱旋歸來！所以資本較多嘅人，每逢大跌市時可以掃平貨，或者加注將平均買入價減低，咁就更容易喺股市長線獲利！

股票交易就好似接力比賽，賣家會將持有股票交到新買家手上。如果有一隻股票交易頻繁，股價不合理地上升，可以形容為不斷傳遞火棒，因為熱度一過股價隨時有機會下跌，令買家接過後「焫」親手！

鑽石係世界上其中一種最堅硬物質，如果形容一隻股票某股價係鑽石能量底，代表睇好呢個價位係最低位，每逢股價觸及都有買家承托，好似鑽石咁硬淨，股價點向下打都唔會打穿！

股市最後逃生門代表投資者要把握機會出貨，例如喺股價轉勢即將大跌前夕，又或者股災期間股價出現短暫反彈。以免逃生門一旦關閉，股價大跌後先賣出，招至勁蝕離場或者變成蟹貨。

新股市場熱鬧，熱門新股更加一手難求，為咗增加「中獎」機會，唔少投資者會動用大量現金或孖展認購。相反，如果手頭資金有限，就可以做「一手黨」，只抽一手試試運氣！

想喺投資路上更得心應手，當然唔止要識解讀「理財潮語」，更重要係學識選擇適合自己嘅投資產品，平衡返風險同回報。Citi Plus除咗有一系列由投資達人設計嘅理財攻略*幫您level up理財知識，仲可以畀您用一杯happy hour drink嘅價錢買到Citi推薦嘅基金組合，連買賣香港及滬深股票都可以一app搞掂！如果有嘢想問，仲可以喺app度send message畀投資達人幫手解答，夠晒user friendly！

*Citi Plus理財攻略部分內容會由以下基金公司提供：安本標準投資管理，安聯投資同富蘭克林普頓