希臘字母β，即係Beta，係第二個希臘字母。咁喺投資世界，β又代表乜嘢呢？ β（啤打系數）可以用嚟評估某隻股票相對整個股票市場所承擔嘅風險，睇返呢隻股票受大市影響嘅程度、波幅有幾大。聽落好似好抽象？其實唔難，睇埋下面您就易明好多。

假設股票A：

• Beta = 1：代表大市升跌幾多，股票A就會有相同嘅升跌波幅；
• Beta > 1：代表股票A嘅升跌波幅比大市大，即係大市升時，股票A會升更多，同樣地跌亦會比大市跌得多；
• Beta < 1：代表股票A嘅升跌波幅無大市咁活躍，大市升嘅時候佢都升，不過就升少啲，好處係大市跌時，佢亦會跌少啲；
• Beta係負數：代表股票A嘅升跌幅同大市係完全相反，大市升佢就跌，大市跌佢就升。

睇到呢度，聰明嘅您可能會問：咁我喺大市升嘅時候，買晒啲Beta高嘅股票咪發達？唔好FF喇，Beta只係分析風險嘅其中一個「相對指標」，而且唔係畀您用嚟做短炒㗎！反而您宜家應該睇睇自己嘅投資組合，有無同時具有Beta系數高同低嘅股票嚟分散風險，咁先可以喺大起大落嘅市場立於不敗之地！

除咗Beta之外，新手投資仲有咩要注意？唔想自己諗到頭都痛，梗係搵專家幫手啦！Citi基金買賣平台就有專家根據您嘅理財經驗同目標，為您推薦適合嘅基金組合，入場費仲低至HK$100起，即係一杯Happy Hour Drink嘅價錢，就算想細細地玩吓先都無問題！隨時隨地喺Citi Mobile® App撳幾吓就搞掂，簡單易用，全程自己control，無論係投資新手或者有啲經驗嘅朋友，都可以輕鬆上手！