覺得儲錢好難，不如及時行樂？只要意志夠堅定，辦法永遠比困難多！

您都可以試下用「選擇」呢個方法嚟克制購買慾望架！見到想買嘅嘢，忍忍手先！List晒您最近心痕身痕想買嘅所有嘢，按最想要嘅情度同性價比，只買其中一至兩樣，滿足一部份對購物嘅「飢餓感」，咁就無咁容易「我全都要」！

製作起碼十年起跳嘅儲蓄預算報表，見到自己如果按住目前儲蓄進度，喺十年、甚至二三四十年後可以擁有幾多財富，又可以FF下呢筆錢可以幫未來嘅自己做到啲咩（提早退休un un腳？購買物業？或者係完成一啲人生夢想？）FF下絕對可以令您擁有一個可預見嘅未來，從而提高儲蓄嘅動力同埋執行力。

人人都想退休，唔通個個都退到休咩？「懶惰」有時唔係負面㗎，就係因為懶惰先會想退休同儲錢嘛係咪？利用呢種「懶惰」嘅心態：懶得出門（尤其而家疫情）、懶得使錢（sorry我知好難做到），同埋記住！您係因為「懶惰」想提早退休而儲錢，所以就更加要提自己應使則使，您賺錢都係想換自由，係咪？忍得呢一時，您就可以努力少幾年唔使搵姨姨喇。

其實嚴格啲嚟講唔係「追星可以幫您慳錢」，而係點樣有技巧地追星，而又唔會令自己出血過多。例如前排偶像代言某某化妝品牌子，一個系列咁多產品我唔係樣樣用得晒，咁點算好呢？我嘅方法就係：用晒啲quota，囤積自己點都會用嘅產品，例如我自己一定會用嘅防曬底霜，咁我就可以避免多餘嘅消費，集中火力支持自己嘅偶像喇。

其實儲錢有時係一種心態、視角同技巧上嘅小小改變，就可以有您想像唔到嘅影響力。祝大家儲錢理財之餘不忘enjoy life！