拍咗拖好一段時間嘅您，就算雙方都已經有共識由情人升呢至夫妻，都要知道結婚未必係您想像中咁簡單！正所謂「相見好同住難」，要組織一個新家庭，絕對要做足心理準備，立即同咁多位愛侶plan ahead，面對婚前必須要考慮嘅3件事！

一場美好婚禮嘅背後，唔多唔少都會有啲「血淚」，因為喺籌備過程中，有好多大大小小嘅事情要討論同落決定，當準新娘同準新郎都各有佢嘅堅持，爭執可能就會因此而起。但其實可以換個方法，將鬧交變成溝通，例如大家對婚禮場地持相反意見時，唔好開口埋口就批評，更加唔好唔出聲，將不滿積積埋埋，試下等大家都冷靜落嚟，再心平氣和咁同另一半講出自己嘅諗法，同時亦要尊重另一半嘅意見，切忌「一言堂」，儘可能喺自己同另一半嘅意願之間攞返個平衡。

拍拖可以話係二人世界，但一旦決定要結婚擺酒，往往就會演變成兩家人嘅事，所以某程度上都要尊重四大長老嘅意願同諗法，例如要畀幾多禮金、結婚當日親友封嘅人情點分配、婚禮rundown、當晚服飾安排等等，都需要同雙方屋企人商量。所以如果情侶有計劃要組織家庭，就要學識同另一半嘅家人溝通同建立關係，並且儘早安排雙方父母見面，兩家人一齊傾清楚各自嘅諗法同期望，早日達成共識。

買嘢之前可能您會貨比三家格吓價，但另一半見到心頭好就會買咗至算，拍拖時因為財政獨立，大家都唔會覺得有咩大問題。不過結婚之後要一齊生活，要兼顧屋企開支，難免會容易產生磨擦。究竟邊個負責交租？邊個負責水電煤使費？建議結婚前就最好傾掂數，公平咁分配家庭開支，剩餘嘅私己錢就按返自己或者另一半嘅使錢習慣咁用；除此之外，雙方都要協議好長遠目標，如果會考慮買樓，或者有計劃生小朋友，就更加要一齊做好理財規劃，努力儲首期或者子女教育基金，向共同目標進發。

當踏入另一個人生階段，由籌備結婚以至家庭理財，過程中都會面對各式各樣嘅新挑戰。要達成目標，當然要有足夠嘅資金去support，除咗靠平日儲錢之外，儘早學識投資，就可以建立多一個收入來源，做到財富增值。Citi Plus除咗有一系列由投資達人設計嘅理財攻略*，仲有各種低門檻嘅投資產品畀您輕鬆踏出投資第一步，例如用一杯happy hour drink嘅價錢買到Citi推薦嘅基金組合，少少錢就可以開始投資！如果有問題，仲可以喺app度send message畀投資達人幫手解答，就算係新手都可以輕鬆上手！

*Citi Plus理財攻略部分內容會由以下基金公司提供：安本標準投資管理，安聯投資同富蘭克林普頓