「投資，越早開始越好」呢句說話相信好多朋友都聽過。喺踏入25歲之後，我開始同自己講，唔好再成日大癲大肺，無論training、做嘢定生活都唔可以再任性，係時候要計劃好自己嘅將來，要鋪排得更加仔細，同埋把握機會投資自己。講緊嘅「投資」唔係單單喺金錢上，而係為自己嘅生活，為未來做更好準備。趁住我就快生日，喺即將踏入27歲之前， 又係時候「中期檢討」吓我呢兩年有咩投資里程碑，順便同大家分享吓，哈哈！

不得不承認，呢兩年我真係覺得自己新陳代謝開始減慢，有時捱咗幾晚夜再照鏡，唉…真係望落都心痛。但作為追求完美（a.k.a 貪靚）嘅處女座，我係絕對唔會「放棄治療」！所以除咗keep住操體能之外，我仲每晚好勤力敷mask，就算有時返到屋企勁攰都要堅持！至於最愛嘅珍奶，為咗健康少少同keep住身形，都飲少咗啲啲嘅…（唔好叫我戒呀，我諗我係唔會放棄到呢個人生其中一個最愛）

個個朋友都知我由細到大都係工作狂，而家除咗平日訓練同出job之外，我都會用剩低嘅時間學吓新技能，好好增值自己。呢幾年我有學陶瓷、西洋書法、甚至前排學埋打坐！除咗學咗一門手藝之外，仲可以畀我襯上堂時間減減壓添。

其實由14歲開始訓練嗰陣，我已經知道作為運動員要識得保護自己，但係生活往往都會有好多突如其來、控制唔到嘅事。喺我腳傷之後，我會諗，唔做運動員嘅話，第時不如開一間coffee shop，所有飲品用具都係用自己手製陶瓷嘅精品。為咗可以爭取實現我嘅理想，除咗努力工作、勤力儲錢之外，我都有開始投資，揀一啲適合自己嘅產品去增值財富。

除此之外，受傷嘅經驗亦都令我決心要為未來嘅自己準備一份較為全面嘅保障。而Citi Plus同AIA嘅「合心易」保障計劃，就可以畀我按自己嘅需要DIY揀選保障範圍，透過手機app用10分鐘就完成成個申請手續，將來仲可以根據唔同需要作出調整，相當靈活！