要穩中求富，分散投資絕對係關鍵！

世界局勢風雲色變，生活同投資市場一樣，無永遠嘅sunny-side up，所以幾時都話做好準備係好重要嘅。既然財富得嚟不易，我哋就更加要識得分散風險，令財富增長穩建而行。好多人都話要分散投資，就唔好將所有雞蛋放喺同一個籃度，但係究竟放喺邊個籃先啱？有啲咩風險可以分散？想真正做到分散投資，先要搞清楚以下概念：

「買唔同嘅股票，咪就係分散投資囉！」咁您就大錯特錯！當大市震盪之時，多數股價都會同一陣線，齊齊跌，完全避唔到險。所以，分散投資應該要將投資組合打得更散，例如同時擁有股票、債券、外匯、黃金等各種資產類別，就好似一個健康嘅早晨全餐咁，集齊唔同類型嘅食材，樣樣有益。當市好嗰陣，股市就可以賺多啲；市差呢？穩健嘅產品例如債券同您守住，咁就可以平衡返價位上落嘅風險。

不過，選擇資產類別前，功課要做足，好似買樓、買股票、買賣牛熊證甚至結構性產品等，每種投資產品同市場嘅特性都好唔同，精通一兩樣都唔係易。如果您冇番咁上下功力，純粹跟風放錢落去，反而大有機會製造更多唔同嘅風險添。

而家好多人話，做Global Citizen都係一種分散投資，您都咪話唔啱。識得放眼全世界，實在重要。世界咁大，唔同地方嘅表現大有不同，有啲地方經濟增長快啲，可能會出現新嘅投資機遇，好似早年好Hit嘅「金磚四國」概念，就曾經係唔少投資者嘅熱門選擇。可惜近年部分金磚國家嘅經濟發展一般，投資回報就自然無咁理想。

呢個時候，就可以考慮買番升極都有嘅美股，或者買啲避險貨幣，好似瑞士法郎同日圓咁。因為瑞士係永久中立國，經濟較少受外圍環境而波動，而日圓則經常維持超低甚至負利率，加上流動性高，自然適合作為分散風險嘅「雞蛋」。所以投資唔同地方前，要睇返自己承受到嘅風險，再調整資產組合入面唔同比例嘅分配，先至可以分散到風險。

除此之外，如果擔心資產市場波動，都可以考慮分階段喺不同價位買入投資產品，分散價格變動嘅風險。例如坊間有啲月供基金計劃，近年好受歡迎，因為可以用定額方式每月供款，利用「平均成本法」減低風險；另外，您仲可以利用餘下嘅資金再去做其他種類嘅投資，資金運用相對更靈活。

想做到分散投資，除咗要掌握以上概念，如果可以有個專業可靠嘅拍檔一齊幫手計劃，自然會事半功倍。好似Citigold嘅專屬客戶經理，會按您不同階段嘅人生目標同理財計劃，為您籌劃最全面嘅投資、置業同保障方案，無論係出外旅行、工作，或安排子女到海外升學，Citigold 都會切合您嘅需要，為您度身訂造合適的環球理財方案。配合埋Citi Live Chat，畀您即時連繫客戶經理，透過視像對話，分析資產組合表現，隨時隨地為財富增值。佢哋仲有400位財策分析師，剖析全球超過70個地區投資市況，發掘更多投資機遇；透過「財策風險分析」，您亦可以充分了解各類資產組合表現，配合埋多元化投資，助您提升回報潛力及減低風險。