明明投資同一隻股票，點解有人大有斬獲，有人就損手離場？不如先問吓自己：有冇試過因為股價波動搞到食唔安坐唔落？又有冇試過驚執輸所以追價入市？想喺投資路上得心應手，除咗靠自身經驗同知識，其實心態都好緊要！想學習點樣遠離FOMO（Fear Of Missing Out），享受JOMO（Joy Of Missing Out）？一齊睇睇以下分析：

FOMO一族多數會追求短線回報，以短炒波幅獲利作為目標，較為情感主導，容易受到市場氣氛、朋輩影響而做錯投資決定；有時會因為擔心錯過入市機會，明知股價喺高位都會照樣接貨，但之後心情難免會跟隨股價波動而起伏。相反，JOMO一族就會專注長線投資，以長遠穩健回報作為目標，較為理性主導，會根據自己理財計劃、深思熟慮後先做投資決定；即使錯過入市機會都會「Let It Go」，皆因知道未來仲有大把投資機會，對短期股價波動處之泰然，放眼喺將來回報。

• 制定長線投資計劃：根據個人理財目標、財務狀況制定長線投資計劃，以追求長期可觀回報為目標，咁就唔使過分緊張短期內股價波動啦！
• 投資前做足功課：無論想買股票定基金，投資前都要先了解背景，分析市場走勢，持續增進理財知識，自然令自己更有信心作出投資決定。
• 建立定期投資習慣：日日24*7 Mon住個市，容易令人精神緊張，唔想錯過投資機會，可以考慮以月供形式買入心儀股票，又可以「平均成本法」降低風險！
• 學識過濾資訊：喺網上接觸到唔少所謂「投資貼士」，投資者應該從中篩選正確資訊，避免情感主導衝動入市，亦不必為無跟風而感到壓力。

想成為JOMO一族，除咗要調整心態，仲要keep住level up自己嘅理財知識，同埋揀啱投資產品，平衡返風險同回報。Citi Plus作為您獨有嘅投資Playlist，無論投資港股、美股、A股或者基金組合都可以一app搞掂，買賣前後仲唔使將啲錢轉嚟轉去，夠晒user friendly！如果有問題，仲可以send message畀Citi Plus投資達人幫手解答，加埋一系列理財攻略*，幫您level up財富同生活！

*Citi Plus理財攻略部分內容會由以下基金公司提供：安本標準投資管理，安聯投資同富蘭克林普頓