換上職場新鮮人嘅身分，亦意味住您已搖身一變成為納稅人，係時候要開始報稅啦！若然您因為收到「綠色信封」而成頭問號，不妨細閱以下嘅新手報稅懶人包，幫您拆解各種常見問題，包括報稅時間及方法、扣稅開支等！

想輕鬆處理交稅呢件事，首先要mark低每個關鍵時間，避免因為遲交而被罰款！稅務局一般都會係每年 5 月至6月頭向納稅人發出報稅表。大家應該都收到今年發出嘅2021 / 22 年度個人報稅表。如果選擇填寫實體報稅表，就須於報稅表發出日期起嘅1個月內填妥及交回；而網上報稅則自動享有多一個月寬限期。報完稅後，納稅人會喺每年嘅10月開始至翌年4月收到稅單通知交稅，通常會分兩期繳交，稅單當中亦會列明第一期及第二期繳稅期限，記得要喺限期前交稅，否則會被罰款。

每年4 月 1 日至翌年 3 月 31 日為一個課稅年度，而您要繳交嘅稅項就係以呢一年嘅入息去計算。薪俸稅嘅計算方法有以下兩種，並以較低者為準：

• 應課稅入息實額 = 入息總額 - 扣除總額 - 免稅額總額
• 入息淨額 = 入息總額 - 扣除總額

大家可以用稅務局嘅稅務計算機輸入返相關金額，就可以大約估算到要交嘅稅額。如有需要，可以喺稅單繳稅期限日前申請分期繳稅，需要提交負債同資產資料證明目前有財政困難。留意返，如果冇向稅局事先申請，一旦遲咗交稅就會被收取稅款5%嘅罰款，如欠交稅款超過半年，就要再額外交多10%罰款！

打工仔一般都可享有基本嘅免稅額，而已婚人士、供養父母或外祖父母等情況亦會有其他相應嘅免稅額：

另一方面，常見嘅可扣稅項目包括慈善捐款、MPF、個人進修開支、自願醫保保費開支等：

除咗實體報稅表，您亦可以考慮登記網上報稅，透過「稅務易」set up您嘅個人帳戶。網上報稅除咗更方便之外，另一個好處係可以享有多1個月嘅交表寬限期。登記網上報稅後，稅局就唔會再寄綠色信封畀你，所有稅務資料包括報稅表及稅單等日後將以電子形式作通知，記得要自己check住email。

網上報稅可以撳幾個掣就搞掂，其實交稅都係一樣！只要打開Citi Mobile® App就可以透過Citi PayAll輕鬆交稅以及其他政府賬單，仲可以用嚟交租金、學費、水電煤費等等，幫您整合各項日常使費方便管理。您仲可以喺Citi Mobile® App預先設定付款到期日，等信用卡喺指定日子自動過數，以後就唔使怕過期繳費要罰款。稍後各大銀行更會推出交稅優惠，有機會賺到信用卡積分或現金回贈，記得密切留意！