對於有一定經驗嘅投資者來講，ETF（交易所買賣基金）會係較熱門嘅選擇，主要因為買賣方便、可以分散風險、高流通量、收費較低；亦有人話如果持續咁投資喺追蹤大市嘅ETF，甚至有機會比起投資個別股份得到更高回報。其實市場上亦有好多唔同種類嘅ETF，常見嘅有股票ETF、債券ETF、商品ETF、匯率ETF等。其中美股ETF近年就成功跑出，成為一眾本地投資者嘅熱捧對象，究竟有咩原因呢？

雖然香港係主要環球交易所之一，不過講到熱門港股ETF，不外乎係盈富基金同A50基金，其他ETF流動性偏低，發展並唔算蓬勃。相反，美股ETF包羅萬有，非常適合一啲資金有限、但又想投資國際市場股票嘅散戶。截至2019年，全美一共有2,096隻ETF，佔全球ETF總數近三分一，比起香港只有200幾隻ETF，數目高出接近10倍。當中追蹤標普500指數嘅SPDR S&P 500 (SPY)，市值就已經接近3000億美金，可想而知幾受投資者歡迎。

選擇多元化：美股除咗有唔同區域或者國家嘅地域性ETF之外，產品種類亦更多元化，涵蓋唔同行業，包括科技、健康護理、消費品等等，都係香港市場缺乏嘅。雖然香港交易所都有部份相關ETF，不過主要成交集中喺中港股票ETF，其他ETF市場並唔活躍，有啲甚至乎一日都冇成交。

而家只要喺Citibank開設股票戶口，您就可以喺美股市場交易時段買賣美股ETF，操作方便。除此之外，您仲可以透過Citi Mobile® App同時投資港股、美股同A股三大市場，等您輕鬆靈活調配投資組合，仲唔駛將啲錢轉嚟轉去，既方便又快捷！