買樓收租每個月輕鬆賺到被動收入，相信係唔少年輕人遙不可及嘅夢想。喺樓價高昂嘅香港，月入不多嘅「打工仔」，實在難以實現上車夢。但市場上有一種投資產品：REIT 房地產信托基金，可以幫您投資香港，甚至各地嘅房地產，收取穩定回報。就好似真係買咗房地產收租，但又免除管理租客嘅麻煩！

簡單嚟講，REITs 將投資者嘅資金用喺買置房地產，包括：住宅, 商鋪, 酒店等，而收到嘅租金就係投資者嘅回報。REITs嘅大部分資金須要投入喺房地產，而大部分嘅收入亦必須嚟自租金，美國甚至監管要求將9成嘅租金收入派發畀投資者。

投資房地產項目對資金嘅要求極高，普通人難以負擔。而REITs門檻低，一般人入少少哋，入一手就可以開始投資。而嘅REITs派息同租金收入掛勾，提供十分穩定嘅股息回報。佢嘅期望回報比更多波動嘅股票低，但比優先股同債券高。

打算投資適合嘅REITs之前，先要了解一點：傳統股票嘅基本分析方法其實未必適用喺房地產基金。REITs係依靠現有資產同現金流，雖然股價長線嚟睇會增長，但升幅唔會特別大，並唔適合以股票方式炒賣。所以，買REITs嘅主要目的係收息，要特別考慮過往嘅派息率。不過房地產亦有市場風險及同息風險，例如COVID影響租金收入同利率，購入之前亦要評估當下嘅風險。