呢期大家見面都會問一個問題，就係點呀啲錢放喺邊度好？

• 就咁擺戶口：無咩息賺之餘，隨時蝕埋通脹
• 買股票：市況反覆個陣閒閒哋一日20%上落，少啲心血都唔掂！
• 買樓收租：呢期租金回報好似唔多理想…

左諗右諗，想賺到錢又要平衡風險，原來都有投資工具幫到手！

講到債券，美國國債一向被視為低風險嘅投資工具。債券嘅特色係息跌價升，息升價跌，雖然喺而家低息嘅環境下利息收入會少啲，但只要價格上升的話就可以補返數。以2020年頭5個月計，美國國債連息連價，總回報有成8%，相比恒指上半年表現，已經算係跑贏幾條街。

由於買債券門檻比較高，唔少追求回報平穩嘅朋友，就會選擇入場費低好多嘅債券ETF或者債券基金，個別產品甚至幾千蚊都有交易，仲有專人管理同買賣一籃子債券分散風險。ETF就勝在靈活，可以喺證券交易所買賣，而基金就可以透過銀行或基金公司嘅平台買賣，即使係大家嘅MPF，都有呢個選項架！投資市場變化太大，無永遠嘅sunny-side up，識得分散投資先可以做到穩中求富。

如果覺得債券都係回報唔夠多，另一個可以睇好嘅就係科技股，因為嚟緊個世界都一定係科技行先，大數據、人工智能、5G，成個大趨勢擺在眼前，而事實上美國科技龍頭如Apple、Facebook、Amazon、Google、Microsoft、Netflix同Telsa，全部都係大漲小回，市值逐間輪住破歷史高位，比起其他類別嘅企業表現，贏足幾條街，當然亦有人講高位入好危，但事實上已經講咗幾年，升完又升，係咪值得投資「未來」就睇您嘅判斷！大家都承認科技主宰一切，但科技公司係咪長遠可以主宰個大市，就真係冇人知！

如果對風險避以遠之嘅朋友，或者都係考慮番買REITS(房地產信託基金)，始終REITS派息一向比較高，香港就大致上有4-8厘，回報算唔錯，加上香港個市跌得幾殘，而家入市買REITS，短期可享不錯派息，長線可以等市況好轉價升再賺，老土啲講句真係穩守突擊！以香港的土地市況，買REITS長期都有不俗的收息回報。

講咗咁多唔同嘅投資方案，大家要留意返每種投資產品都有利弊，而且每個人嘅投資需要同可承受嘅風險程度都唔一樣，做投資決定之前真係要做多啲功課。想了解自己嘅投資目標及風險取向，您可以登入Citi Mobile® App或網上理財，更新您嘅風險評估問卷，再選擇適合您嘅投資產品。