近年，尤其疫情之後，數碼生活同人嘅關係越嚟越密切：work from home變成常態、視像會議代替同場會面、企業將業務轉移到雲端、拍片影相上載分享更加成為日常指定動作。 隨住生活數碼化，對網絡安全需求亦急速上升。根據國際大型數據統計公司Statista嘅預測，到2023年，全球用喺網絡安全嘅支出會飊升到2500億美元，無論個人、企業同政府層面，都希望加強網絡防禦。

環球企業喺未來幾年都要增加對數據安全的嘅投資，單單喺美國相關企業已經佔全球網絡安全市值嘅三分之二，但美國以外，特別係新興市場，好多公司都喺唔安全嘅網絡環境中運營，好容易受到黑客攻擊。雖然好多大公司會聘請網絡保安人員坐陣，管理企業内部嘅數據同網絡，但複雜嘅網絡安全需要不斷更新嘅專業知識同最先進嘅解決方案，相信專業嘅網絡安全供應商，喺未來幾年好可能會有明顯增長。

過去5 年，好多網絡安全公司嘅收入增長， 甚至高過標普500指數科技股（見圖），預計這個趨勢會繼續，市場普遍預期今年收入增長6%，明年增長7.7%。網絡安全嘅前景會比其他科技概念更有潛力，相對於整體科技行業的溢價估值，呢個推斷都相當合理嘅。

Citi Plus作為您獨有嘅投資Playlist，無論投資港股、美股、A股或者基金組合都可以一app搞掂，買賣前後仲唔使將啲錢轉嚟轉去，夠晒方便！如果有問題，仲可以send message畀Citi Plus投資達人幫手解答，加埋一系列獨家理財攻略*，幫您level up財富同生活！

*Citi Plus理財攻略部分內容會由以下基金公司提供：安本標準投資管理，安聯投資同富蘭克林普頓