平日申請信用卡、貸款或按揭，銀行或者財務機構都有機會查閱您嘅個人信貸報告，以了解您嘅信貸評級（又稱為信貸評分）。究竟信貸評級係點嚟？又有咩因素會影響您嘅信貸評級？

信貸評級(Credit Rating)係由個人信貸資料庫機構(例如環聯信貸公司/TransUnion，簡稱TU)根據客戶嘅信貸評分(Credit Score)所得出嘅等級。環聯會由您嘅第一個信貸帳戶開始收集資訊，包括信用卡、私人貸款及循環貸款等以及相關貸款額，甚至所持有嘅按揭宗數等，以相關紀錄進行分析，從而作出評分。信貸報告一般會顯示申請人嘅還款紀錄、信用額使用度、申請貸款嘅頻密程度等信貸資料。

銀行審批按揭或貸款申請時，除咗會考慮您嘅入息，仲會參考您過往嘅信貸紀錄，以了解申請人嘅信貸狀況、信貸評分及各類貸款嘅信貸額使用情況。信貸評級由最好嘅A級至最差嘅J級，共分10級。若申請人信貸評級良好，財務機構考慮批出較高成數按揭或貸款嘅機會相對較大。一般來講，您嘅信貸評級越理想，就有機會獲批更高嘅信貸額，或獲取更高嘅按揭成數，有助置業或資金周轉，甚至有利於搵工同移居外地嘅申請。

想提升個人信貸評級，不妨參考以下幾個小貼士：

大家可能都有唔小心遲咗找卡數嘅經驗，除咗會有額外利息同罰款之外，分分鐘會影響埋您嘅信貸評分！因為個人信貸報告會記錄您遲交卡數或拖欠貸款嘅實際金額、欠款日期及還款日期，而有關紀錄更會保留5年，唔想影響自己將來申請新信用卡、貸款或按揭嘅話，平日就要準時找卡數，最方便就梗係set埋autopay，咁就唔使做deadline fighter啦！

每當您申請信用卡、貸款或按揭，相關銀行及財務公司都有機會查詢您嘅個人信貸報告。如果短時間內有太多查詢紀錄，有機會令財務機構認為您有周轉困難，影響信用卡、貸款或按揭批核。所以如果需要申請多張信用卡，建議事先好好計劃，每次申請最好相隔兩至三個月，以免影響您嘅信貸評級。

如果平日無試過借錢，又無申請信用卡，信貸評級係咪就一定靚仔？No No No！因為當您嘅信貸紀錄係一片空白，財務機構就未能獲得相關資訊去評估您嘅信貸狀況，反而有機會令審批貸款或按揭時較為手緊。

找卡數想更靈活？您可以透過Citi Mobile® App 將您嘅信用卡簽賬分期，仲可以揀將成張月結單分期或者部分簽賬分期，想點找由您話事！