早前同大家探討過不同星座嘅投資個性，但原來血型都可能同性格有關？今日就等我地透過「血型性格論」一齊分析吓佢哋嘅投資心態啦！

A型血嘅朋友係典型嘅完美主義者，穩重、專注細膩且有耐心，會好似農夫咁默默耕耘，唔會輕言放棄。正正係因為咁，佢哋睇準方向就全情投入，理財投資上亦需要大量安全感，如果勉強投資喺高風險嘅產品或者股票，隨時仲會心掛掛無覺好瞓添！A型人紀律性強，亦有較佳嘅執行力，願意比其他人花更多時間準備同鑽研，可以考慮入手不同類型嘅資產，透過平衡預期回報同風險水平，自組適合自己嘅投資組合。

B型血嘅朋友喜愛自由，慣性依直覺行事，平日見到鍾意嘅嘢就會想擁有，容易衝動消費。明明心入面知道要儲錢，但係又忍唔住手買嘢，結果就變成標準嘅「月光族」，儲唔到錢之餘，因為本錢唔夠損失入市機會。好動貪玩嘅B型人如果想投資，不妨先考慮以月供方式入手心儀嘅股票或者基金，同時逼自己將固定比例嘅收入用作財富增值；當儲到一定嘅經驗之後，就可以進一步研究其他較為進取嘅投資產品。

AB型血嘅朋友冷靜理性、分析力強，樂於聽取各方意見，不過往往因為有太多因素需要考慮，所以容易猶疑不決。尤其喺理財投資方面，成日十五十六，唔知做咩決定先至最好，有時候仲可能會因此錯過咗寶貴機會！AB型人鍾意計劃，投資時亦會注重風險管理，會比較適合中長線投資型嘅投資，例如債券型基金或者指數型基金。呢種中長線嘅穩定投資有利息回報之餘，走勢相對上平穩，亦唔需要成日為波動風險同相應決策頭痛。

O型血嘅朋友好動活潑、鍾意交朋友，對身邊事物充滿好奇心，往往能夠喺短時間内捉住重點然後完成任務，面對外在因素轉變亦能迅速反應，不過有時難免會過分投入於小細節而忽略咗其他因素。O型人擁有極高嘅行動力同應變能力，亦願意承擔一定程度嘅風險，呢種性格喺投資理財方面可以話有一定優勢。 可以考慮先為自己訂立一個明確嘅同可達到嘅目標，透過「定期定額」嘅投資方式入手購入具潛力嘅投資產品，並適時增加投資額去達成目標。

無論您屬於以上邊種類型，Citi Plus都可以成為您嘅理財好隊友！除咗有一系列簡單易明嘅理財攻略，由淺入深level up您嘅理財知識，仲有各種低門檻嘅投資產品畀您實踐，例如透過「靈活財庫」，低至HK$1蚊就買到貨幣基金，或者用一杯Happy Hour Drink嘅價錢就可以買到專家推薦嘅基金組合，少少錢就可以開始投資！無論有咩問題，Citi Plus嘅投資達人都會stand by同您即時解答，啱晒新手踏出投資第一步！