每年「蘋果發布會」都係一眾「果迷」熱切期待嘅大日子，今年Apple推出iPhone 12，共有4款全新機型，並首度支援5G網路技術，大家又有無興趣買返部呢？坊間有唔少投資者都會趁新機熱潮下，希望透過投資蘋果股票（AAPL）賺返一筆。今年新機發佈會後，AAPL股價尚算平穩，但之後走勢會點？係咪值得投資？不如先參考一下過往表現！

以下整合咗過去5年iPhone新機發佈後，AAPL股價喺1至2個月後嘅變化，當中有升亦有跌，個range似乎都幾闊吓。照咁睇，新機發佈後買入AAPL股票做短線投資，原來都唔一定包賺㗎喎！

蘋果公司出新機，功能有驚喜，外界睇好銷量，的確會刺激AAPL股價短期內有一定升幅。但股票市場變化萬千，可以影響股價因素實在有太多，盲目相信「出新機必升」就做投資，隨時會搞到損手離場！就以2018年為例，當年蘋果公司突然表示唔再公開iPhone銷量，加上合作供應商Lumentum宣佈減產，引起市場疑慮，結果AAPL股價由新機發佈後起計2個月，累計下跌咗超過一成！

想認真學投資嘅話，當然唔可以單靠市場消息，自己都要留意返該公司業務發展、盈利、回報率、現金流收入等等，因為呢啲因素都會影響股價升跌。用返Apple做例子，其實佢哋近年積極推動「服務」同「穿戴裝置」業務，例如Apple TV+、Apple Music、Apple Watch同AirPods等，就係想減少對個別產品銷售量嘅依賴；所以而家iPhone銷量對AAPL股價影響程度，已相對無咁大！除此之外，投資者仲要考慮埋整體市場氣氛、經濟狀況、政治局勢等大環境因素，亦會對投資市場增添變數。

想獲得合理回報，就要努力做吓功課，記住呢個世界上係無免費午餐㗎！就算自問係投資新手，只要揀啱平台一樣可以事半功倍！好似喺Citibank開設股票戶口，就可以同時投資港股、美股同A股三大市場，等您可以輕鬆靈活調配投資組合，仲唔駛將啲錢轉嚟轉去，既方便又快捷！