對於好多朋友嚟講，online shopping已經成為生活一部分，由衫褲鞋襪、生活雜貨、護膚品、化妝品、潮流高科技產品以至傢俬電器等等，通通都可以網購，唔使出街同人逼之餘，撳個掣就可以送上門！不過要成為網購達人，除咗要捕實特價時段，仲要識得避開以下中伏位！

買嘢第一時間除咗睇價錢，仲要睇買家嘅過去評價：如果發現評價一面倒都係由平台default發出嘅好評 —— 即係買家買完產品之後，喺限期內無對所購買嘅商品作出評價，系統就會自動發出好評，見到呢個情況就要小心喇！始終有圖先有真相，睇商品評價時，千祈唔好齋睇好評嘅數量，因為未必反映到產品嘅真正質素，最重要係評價有齊買家嘅評論，同埋商品嘅真實圖片，又或者透過Google大神用keyword再search吓其他平台上嘅相關評價，相對就會更客觀同可信！

喺網店買衫褲鞋襪，買家往往只能夠依賴店家提供嘅size chart，不過其實每間舖頭同品牌嘅尺寸標準都唔一樣，甚至同一個牌子但唔同款嘅產品尺寸亦都會有差異！唔想收到貨先發現size有出入，建議要用軟尺度清楚自己嘅身型，再比對返網店提供嘅size chart，就可以減低中伏機會！以下係一啲揀衫褲size嘅小貼士：

• T-Shirt：將自己嘅肩寬加減2cm；而上圍可以偏大6cm以內，如果少於6cm或者等於自己上圍尺寸，件衫就會比較貼身
• 恤衫：有分Regular Fit(正常)同Slim Fit(修身)，Slim Fit腰部尺寸較少，所以一定要度清楚自己腰圍，其餘部位就同T-Shirt一樣
• 褲/裙：腰圍一般要預鬆多3cm左右，下圍就多10cm至15cm以內都無問題，唔建議揀同自己腰圍同下圍一樣嘅size

唔少外國網店經常都會有promotion，齋睇商品價格，的確係抵，但除咗要注意運費，記得唔好計漏浮動匯率！有部分信用卡會以免「跨境港幣交易手續費」作為招徠，雖然免咗手續費，但外幣匯率未必經常都咁靚仔，計返上嚟隨時打個和！喺外國網站shopping時，不妨考慮用Citi Plus Debit Mastercard®畀錢，配合Citibank Global Wallet 就可以喺外幣戶口直接扣數，唔洗擔心蝕匯價之餘，仲可以慳埋1.95%外幣交易手續費！