拍拖，本來係一件開心事，但係拍得越開心，荷包就越傷心！睇戲食飯送禮物，使錢好似倒水咁快，唔通無錢真係唔好學人拍拖？咁又未必嘅，只要學識以下幾招，拍拖都可以好經濟實惠㗎！（戴定頭盔，為咗閣下安全著想，記住要雙方同意先好實行）

每逢情人節、聖誕節呢啲大時大節，買同一紮花，食同一餐飯，Book同一間酒店，價錢都會比平時貴得多！如果選擇提早或者延遲慶祝，唔使喺正日同人迫之餘，亦唔需要擔心食物質素同服務體驗因為人多而受影響，同時價錢上亦會較為相宜，簡直一舉多得！

香港百物騰貴，兩個人食餐Fine Dining再開枝酒，閒閒地都要四位數先落到樓，如果每個禮拜食一次，條數都真係幾襟計！換個角度，不妨考慮一齊去買餸或者網上訂購食材，再親自下廚玩煮飯仔，食物配搭上可以更Flexible，又可以展現出您嘅廚藝！

入戲院睇戲係非常common嘅拍拖活動，不過買一張戲飛嘅價錢，其實已經等同串流平台一個月月費。如果用同一個價錢，可以睇盡歐美日韓劇集電影，唔介意遲少少先睇新戲嘅話，subscribe串流平台會係更慳錢嘅選擇！

好多情侶都會行商場打發時間，行下行下好容易就會買咗啲不必要嘅嘢，使多咗之餘又要諗地方安置。其實拍拖都可以選擇一齊做運動，例如行山、跑步、踩單車、玩健身遊戲、上網睇片做Workout等等，減少開支之餘又可以Keep Fit，無咁易出現「幸福肥」！

拍拖總會有消費，支出多咗在所難免，除咗以上嘅慳錢方法之外，大家都可以留意各項信用卡優惠，令自己賺多啲、畀少啲。好似用全港獨有嘅Citi Plus 信用卡消費，就可以畀您一邊簽卡賺分，一邊透過Citi利息Booster做任務，賺到高啲儲蓄年利率！從此將信用卡簽賬同儲蓄戶口融合為一，網購同健身會籍簽賬更有3倍積分，畀您賺到盡！