相信好多人都想大聲嗌：今年成年都無去過旅行喇！不過轉個角度睇，少咗出國旅行某程度上等如多咗時間，不妨放鬆心情，嘗試發掘吓更多生活新驚喜！

有時喺屋企太長時間，都會想出街逛一逛。不過行得太多連鎖店，難免會覺得太過千篇一律。呢個時候，可以考慮當係本地遊咁支持各區不同嘅特色小店！例如油麻地有間獨立書店就以書本為主體，再結合音樂、茶同咖啡，啱晒文青一族打發時間；位於觀塘嘅隱世黑膠店就有好多獨立音樂唱片同黑膠，可以拓闊您嘅音樂品味；有時間甚至去遠啲，嚟到大澳見識一個自家設計嘅環保時裝品牌，睇吓點樣利用可持續發展天然素材同再生廢料，生產環保衣物同鞋履。逛小店慢活得嚟賞心悅目，打卡之餘仲可以支持一吓本地文化同產業！

放假喺屋企唔一定無所事事，可以把握時間自我增值。而家網上學習平台已經有好多選擇，無論您鍾意跟大師級導師學嘢，或者同世界各地嘅人分享交流都一樣得！除咗幫助個人事業發展，仲可以趁機培養個人興趣，絕對值得投資少少學費。想靜態啲，趁而家買多啲書睇又得，怡情之餘靜養吓身心都係自我投資嘅好方法嚟㗎！

既然暫時都仲未有得飛住，有無諗過點樣可以幫您份旅行基金增值呢？以港人至愛嘅日本為例，飛一轉東京每位平均使費都要港幣幾千至一萬不等，如果想帶埋小朋友，或者打算請埋四大長老出行，咁使費就要以倍數去計。咁樣飛完一轉真係要返啲時間先儲夠budget飛下一round…如果想第時飛密啲，又有咩計？不妨考慮善用呢筆旅行基金作為投資，分分鐘下次再去日本嘅時候，可以住豪啲再食多兩餐omakase添！

要開始投資，其實並唔係想像中咁難，只要揀啱投資工具，您都可以輕鬆幫自己份旅行基金upgrade！好似全新Citi Mobile® App基金買賣平台，入場費低至$100，又有專家推薦嘅基金組合，可以一眼睇晒過往回報，唔使左計右計，畀您24/7隨時DIY買埋基金，既方便又快捷！