踏入人生新階段 —— 結咗婚之後，身份嘅轉變會令您嘗試好多唔同嘅「第一次」，而喺嚟緊嘅農曆新年，剛剛成為人夫或者人妻嘅您，就要試吓「第一次」派利是！想派得好好睇睇？不妨睇睇以下幾個小貼士！

啱啱結婚，梗係要雙雙對對攞個好意頭，所以傳統上有派「雙封」嘅習慣：即係指結婚頭一年嘅夫婦，兩個人都各派兩封利是；而由第二年開始，夫婦可以各派一封利是畀親友。不過結婚頭一年派「雙封」，都只係務求攞個好意頭，實際上要派幾多封，最好因應返自己嘅預算嚟判斷。

如果新婚夫婦決定要派「雙封」，首先金額一定要係雙數，因為傳統上白事先會出現單數嘅金額；而封幾多錢可根據個人財力嚟決定，不過都可以畀一般公價大家參考：

• 親戚、晚輩、好友：每封可入HK$50至HK$500不等
• 普通朋友、同事、鄰居、看更：每封可入HK$20
• 餐廳職員、清潔嬸嬸：每封可入HK$10

農曆新年呢啲咁傳統嘅節日，最好用返夠晒喜慶嘅紅色或者金色；而綠色、藍色、白色等等顏色就可免則免，因為傳統上呢啲都係比較禁忌嘅顏色，後生仔或者唔知又冇乜所謂，但如果長輩見到可能會唔高興。

近年咩都講數碼化，如果派利是畀平輩、晚輩或者朋友，不妨選擇派電子利是 ——送上祝福之餘，對方又可即時收款，既方便又快捷，而且夠晒環保。Citi Mobile® App係一個嘅好選擇，而且操作非常簡單 —— 只要撳入去「派利是」，揀您鍾意嘅利是封同您想派嘅銀碼，打埋您自訂嘅恭賀說話，就可以將封電子利是「派」畀您嘅親友好友，仲可以一次打孖過派兩封添！就算見唔到面，都可以透過呢個方式將您嘅祝福share出去。

除咗派利是，今個新年無論買賀年禮物、畀錢孝敬長輩，定係同親友團年、拜年或者食完飯要夾返錢，都可以用Citi Mobile® App轉賬，仲有新年特別版心意卡畀您揀，可以打埋個人化message，通知對方您過咗數畀佢！簡單幾個steps，send完錢，仲可以send埋份心意！