喺農曆新年所收到嘅利是錢，係小朋友每年嘅「主要收入」。身為父母嘅您 ，可以藉呢個機會教導小朋友如何管理利是錢及灌輸正確嘅理財知識。無論「總收入」係幾百定係幾千，始終對小朋友嚟講都係一筆唔少嘅金額，與其煩惱要小朋友全數「上繳」定係「下放」，不如教識小朋友「財分三份」原則：即係儲蓄、消費同埋投資！

同小朋友制定儲蓄目標，令佢哋養成儲蓄嘅好習慣，仲可以為日後嘅消費同埋投資做好準備。定期同仔女檢查銀行派嘅利息，趁機會教佢咩係複息效應，知道儲蓄嘅好處，將財富滾大。

當扣除咗要儲嘅金額之後，就可以畀小朋友買佢哋想買嘅嘢，灌輸「量入為出」概念。記得要同小朋友訂立用利是錢嘅規矩，例如：每星期或者每個月最多只可以使指定嘅金額，又或者達成指定目標後先可以用利是錢買嘢，而買完嘢之後，亦都要小朋友記低消費金額同詳情，教佢哋「睇住盤數」，畀小朋友知道即使有錢都唔可以亂咁使。

作為爸爸媽媽嘅您，亦可以為小朋友「出一分力」。當小朋友儲到一定金額，可以考慮幫佢買入基金月供投資計劃，透過「平均成本法」，每個月進行定額投資，同時亦要畀小朋友知道投資用途，例如用作教育基金，令佢哋學識訂立更長遠嘅理財目標。此外，亦可以按風險承受能力，分別買入較高風險嘅股票基金、較低風險嘅債券基金或者兩者都有嘅平衡型基金，令本金同收入都有長遠嘅增長。

平日要照顧小朋友，無時間去銀行搞咁多嘢？只要用Citi Mobile® App就可以隨時隨地買賣基金，全程DIY自己話事，入場費更低至HK$100！仲有由專家推薦嘅基金組合，表現同預期回報一眼睇晒，唔使左計右計，等您享受更多同小朋友相處嘅親子時間！