成日聽見老一輩話：「唔好咁快畀小朋友『掂』錢呀，如果唔係大個咗會亂使錢！」不過隨住時代進步，電子貨幣已經成為生活一部分，小朋友要接觸金錢亦係無可避免，所以不如儘早向佢哋灌輸正確嘅理財觀念。至於點樣培養小朋友學識儲錢同正確使錢，可以參考以下3個攻略！

而家唔少家長都會選擇畀電子貨幣仔囡，作為零用錢或者應付日常開支，方便之餘，亦都可以避免小朋友袋住過多現金；但「嘟」一「嘟」就買到嘢，好易令小朋友覺得原來畀錢係咁容易，從而過度消費。所以畀電子貨幣仔囡用之前，最好約法三章：電子貨幣只可以作有限度消費，例如只可以用嚟搭車，買嘢就要用返現金，等小朋友知道電子貨幣唔係任「嘟」；當小朋友大個啲，可以試吓畀佢哋自己分配返每個月嘅交通費 （電子貨幣）同零用錢 （現金），從而學識管理日常開支，咁就唔怕會亂使錢。

小朋友未必識得分清楚咩係「需要」同「想要」，所以喺日常生活中，爸爸媽媽可以以身作則，教識小朋友「冷靜」消費，例如喺超級市場買一啲平時唔會用嘅嘢，示範一次「亂使錢」會造成浪費嘅後果，畀小朋友知道有需要時先可以買；而如果小朋友堅持要買佢「想要」嘅嘢，爸爸媽媽可以帶佢哋「貨比三家」格吓價，避免即時滿足小朋友之餘，亦都可以畀時間佢哋諗清楚係咪非買不可。

出街食飯或者買嘢嗰陣，如果家長係畀現金埋單，可以將現金交畀小朋友，試吓由佢哋嚟畀錢，親手接觸「金錢」，增加佢哋對金錢嘅認識，同埋了解日常生活使費 —— 原來出街食一餐飯，或者買一樣日常用品係要用到呢個金額，從而培養佢哋正確消費嘅觀念。

想小朋友將來理財有道，作為爸爸媽媽當然自己都要識得理財！不過平日忙住湊小朋友，擔心未必有時間好好鑽研？Citi Plus就有一系列由投資達人設計嘅理財攻略*，幾分鐘就完成一個module，由淺入深咁Level Up您嘅理財知識；睇完攻略，仲可以用低至HK$100買到專家推薦嘅基金組合，分分鐘平過買玩具俾小朋友！仲可以一眼睇哂基金嘅過往表現同預期回報，慳返去分行或者約agent出嚟傾嘅時間，夠晒方便，等您有更多時間陪小朋友！

*Citi Plus理財攻略部分內容會由以下基金公司提供：安本標準投資管理，安聯投資同富蘭克林普頓