投身社會一段時間，想由社會新鮮人「升呢」到資深前輩，令人工同Title都更上一層樓？咁就要調整好心態，再配合埋實際行動，喺職場之路「升呢」自然無難度！

每個人心中都有自己把尺，去衡量每件事嘅輕重，與其吓吓都「度住度住」，不如試吓將心中把尺拉長同拉闊 —— 「拉長」係指時間性，唔係睇即時收穫，而係睇可唔可以為自己帶嚟長遠幫助；而「拉闊」就係指睇嘢角度，儘量唔好靠單一因素嚟判斷自己賺定蝕，反而應該集中喺能唔能夠為自己帶嚟新體驗同得著。例如察覺到同事或者上司喺工作上遇到難題，即使唔係您目前要負責嘅工作，都可以伸出援手，話唔定有機會為自己開拓一條全新嘅事業之路。

定時定候評估自己嘅工作表現：如果覺得自己表現唔錯，就歸納成功嘅原因；相反，如果覺得自己有不足之處，就要諗吓點改進喇。與其等一年一度嘅公司Appraisal，不如平時主動同上司傾吓自己嘅工作表現，令上司覺得您有上進心之餘，仲可以鞭策自己。

凡事都有先後順序，而喺職場，個人情緒必須要放到最後。如果輕易將負面情緒顯露出嚟，唔單止對件事零幫助，仲會影響其他人同工作進度。而職級愈高，要處理嘅突發事件愈多，所以需要預先培養正面思維、自信同埋願意承擔責任嘅態度，譬如面對上司嘅批評，與其表現不忿，倒不如保持冷靜，再諗吓點解上司對您會有呢個評價，自己可以點樣再做得更好。

除咗要喺職場到「升呢」，當收入隨住您嘅職級而開始增加，理財知識都需要Level Up！皆因理財目標同職位一樣，都係「向上望」。而且越「升呢」會越忙，喺時間有限嘅情況下，及早做好理財規劃，自然可以專心發展事業喇。Citi Plus有一系列由投資達人設計嘅理財攻略*，由淺入深level up您嘅理財知識，仲有各種低門檻嘅投資產品畀您實踐，例如用一杯Happy Hour Drink嘅價錢就可以買到Citi推薦嘅基金組合，少少錢就可以開始投資！無論有咩問題，Citi Plus嘅投資達人都會stand by同您即時解答，就算係新手都可以輕鬆踏出投資第一步！

*Citi Plus理財攻略部分內容會由以下基金公司提供：安本標準投資管理，安聯投資同富蘭克林普頓