後生仔一向都被標籤為「月光族」，但啱啱出嚟做嘢有經濟能力，間中買少少嘢treat myself better都不為過。不過講真，儲錢同消費嘅平衡真係好難捉摸，啱啱grad嘅您不如趁初入職場，制定新嘅理財計劃，幫自己累積更多嘅本錢去計劃將來。想儲錢儲得更有效率，以下有幾個小貼士值得大家參考：

可能您會問，如果本身人工有限，究竟點樣先可以儲多啲？首先要了解自己平日嘅消費習慣，睇吓有咩方法可以「無痛」地減低非必要嘅開支，例如返工前習慣去連鎖咖啡店買杯咖啡提神，如果改為買掛耳包咖啡返公司自己沖，隨時可以慳一筆；平日出街會去便利店買樽裝飲品，不如預早喺超市或網購平台買定一箱擺屋企，除返開隨時又平一半。鍾意裝身扮靚嘅朋友，不妨嘗試用「一季」代替「一個月」為單位，或者留意各大品牌嘅網購優惠，同朋友夾份入貨share運費，就可以買得更精明。

出糧後要儲起一筆saving，呢樣嘢大家都知，尤其係經濟同job market未算明朗嘅情況下，更需要儲定一筆應急基金嚟面對突發狀況。但儲錢一向知易行難，有時唔記得咗、或者用多咗錢，都會令儲蓄目標不似預期。所以最有效嘅方法，就係set定預設轉賬指示（Standard Instruction，簡稱SI），每個月出糧後就自動過一筆固定金額落指定嘅銀行戶口，規定自己如果無特別事就唔可以動用；之後剩低嘅錢就用嚟應付日常生活開支、畀家用同娛樂。至於儲蓄金額其實因人而異，可以係人工嘅20-30%不等，但重點係無論儲得多定少，都要持之以恆，唔好中斷呢個習慣！

講起存款，最爽梗係放係度都有高息，仲可以增加自己儲錢嘅動力！講多樣嘢您知，其實做任務都可以賺到儲蓄利息，仲係長做長有！Citi 利息Booster戶口就可以好似打機咁，透過完成日常任務，包括「儲錢」、「入錢」、「碌卡買嘢」同「投資、唱外幣或買保險」，幫您嘅存款利率不斷升級，最多可以解鎖高達2.4%利率！配合埋Citi Plus 信用卡仲可以一邊簽卡賺分，一邊做任務賺息，從此將信用卡簽賬同儲蓄戶口融合為一，網購同健身會籍簽賬更有3倍積分，畀您賺到盡！