作為職場新鮮人，相信唔少朋友依然會對前景表示擔憂：冇得加薪就預咗，最緊要保得住份工。呢個時勢，唔想成為「月光族」或者「長期糧尾」，就要注意以下幾點：

想儲到錢，首先要訂立清晰嘅目標，例如讀Master、去旅行、買車、買樓等，最緊要有個實在嘅數目，再按個人收入、習慣與計劃調整預算，妥善分配儲蓄和其他日常開支嘅比例。

後生仔想Fing錢總有一萬個理由：上網搶購限量版波鞋、 weekend約班friend食好嘢、下個月出新電話又想換機…適當購物、消遣娛樂當然要有，但都要分清楚「想要」和「需要」，量入為出，睇住自己荷包先去振興經濟。

當開始每個月都有少少錢剩，就可以考慮一啲入場門檻低同容易上手嘅投資產品，例如月供基金或股票，幫您逐步增值財富。

綜合坊間投資方案，各位職場新手不妨考慮以下建議：

係投資世界，有人話「bad news is good news」，市場唔會有升無跌，所謂嘅大跌市，有時反而係難得嘅入市機會！遇上跌市，好多嘢嘅價值可能都跌咗一半，簡單一條數學題，跌咗一半，再反彈返之前個位，即有一倍嘅潛在升幅。所以只要每個月用少少錢，就算只係一兩佰蚊，供隻股票或者基金，低位儲貨，身家翻倍就係呢個時候嘞。當然，就算入咗市有時都要坐吓貨，而呢一刻亦係訓練人耐性嘅時候，唔好聽到翻倍就訓身去買。

另外，亦可以選擇以每月供款形式，keep住有紀律咁持續投資，以平均成本法幫您減低風險。保守得嚟，又要有返少少冒險精神，先至係後生仔危機中嘅理財之道。所以當初出道遇上逆市，只要揸緊呢個投資概念，把握現在，保持頭腦清醒，一樣可以喺逆市中捕捉到財富增值嘅機會。

無論選擇邊種方案，Citi優選投資組合都係您展開投資大計嘅好幫手！

• 入場門檻低：Citi優選投資組合入場費低至$100，只係3杯咖啡錢就買到適合自己嘅基金組合，相當於每個月儲起固定比例收入用作投資，輕鬆為財富增值。
• 容易上手：用Citi Mobile® App隨時買賣，唔使去分行或約Agent，手機Click幾吓就搞掂，非常方便。